|
|
.CLXX. Op die selue wise.
1. O Rooden mont Ghi maect ghesont In alder stont Al die ghijs gont O soete gront seer hooch ghepresen Alsijn si totter doot ghewont Ghi moechtse saen ghenesen
2. O bloeme soet V groot ootmoet Al thelsche ghebroet Treedt onder die voet Inder hellen gloet Lof vrouwe groot van seghen Bi v sijn wij ontsleghen.
3. O reyne maecht Die niet en draecht Dat God mishaecht Maer onuersaecht Alle quaet verlaecht. Dies sidy ghepresen Eer mi God van sonden plaecht So wilt mijn hulpster wesen
4. Beelde reyn Ghi sijt certeyn Een edel greyn Gods liefste reyn Sijt ghi alleyn Alswo wij lesen Och troost ons in dit swar gheweyn Dat wij van druck ghenesen
5. O dagheraet Daert al aen staert Ons troost en raet Lacy al mijn daet Is snoode en quaet O bloeme wtghelesen Mer ghi sijt des sondaers toeuerlaet So ghi dat wel hebt bewesen
6. Die dit eerst sanck Seer snoode en cranck In duechdenb manck Is sinen ganck Sijn leuen lanck Moet hi aldus hier wesen O alders schoonste aenscijn blanck Weest doch mijn troost in desen | |
|
Een devoot ende profitelijck boecxken, inhoudende veel ghestelijcke Liedekens ende Leysenen, diemen tot deser tijt toe heeft connen ghevinden in prente oft in ghescrifte: uut diversche steden ende plaetsen bi een vergadert ende bi malcanderen ghevoecht. Ende elck lieteken heeft sinen bisonderen toon, wise, oft voys, op noten ghestelt, ghelijc die Tafel hier na volghende breed' uut wijst ende verclaert
|
1539
|
Haarlem SB: 176 K 9 (kat. A (f. 1-8) ontbr.) |
f96v |
|
Dirk Geirnaert, naar bron, diplomatisch. |
|