|
|
Naer de wyse Om eenen nyewen jaer sy haeren man badt
Een vrouwlyckx beelde amoureus Pigmalions geleeken Een conterfeytssel graetieus Venery claer gebleeken [Wtspreecken] Mercurius vrient Helpet my haer laudaty [Reen gheingient] V scienty tot confortacy My oock wel dient
Calysto Sy te bouen gaet In Schoenheyt dees Image Helena Semele ornaet Iupeters lieff boelagie Reen van coragie gent eerbaer Als Cranis elegantich Diana haer Sere beroyft seer triumphant[ich] Als mede paer
Des siringa Philomela Tereus Pans vriendinne Europa schoon en Minerva Die eerbaerheyt beminnen Goddinnen geen reyn gemaniert Die dees maeght suckcederen Met deucht versiert Als Daephne eerbaerlyck vol eeren Ghelauweriert
Aenmerck van die heeft laes ter stont Cupido heel gespeten Met synen schicht heeft hy deurwont Myn jonck hert heel [d]eurreeten Vermeeten stout dit heeft bestaen En wilt lieft geen sins dencken Dus laet eel graen My met Icarus niet verdrencken In see vergaen
Princesse schoon Ixions radt Laet my niet langer draeyen Hymene maeghdelycke vadt Laet u herte deur raeyen Verfraeyen can sy door haer deucht En minlycken beloven Ons jonghe jeucht En eerbare reyn liefde croonen met reyn geneucht
finus | |
|
Handschrift Ariaenke de Gyselaer
|
1600-1602
|
Rotterdam, Gemeentebibliotheek, 96 E 13 |
f15r |
|
|
|
© 2024 KNAW/Meertens Instituut