Nederlandse Liederenbank


Naer de wyse vande Engelcen schoen lapper Den dienst Hebe seer selden saeyt Int hert vreed'lycke rusten Want Venus vier hitten deur laeyt Vntsteeckt therte in lusten Quellich vol pyn noeyt arbeyt swaer Als die Dedalus paeden saen Belaeden gaen dit werd ick wel gewaer My haer dienaer heeft oock deurwont Cupido int hert vierich Want myn lieffs roo lachende mont Haer blonghedich haeyrken chierich Haer borstjens ront haer soet aenschyn Haer armkens widt handekens cleen Tandekens reen Ock haer wangxkens sangwyn Haer keeltjen widt Lipkens corael Gedraeyden hals ront schoone Bruyn ooghxkens claer als [scheby] strael Iae twesen haers perssoone Beleeft [min stem] in my baert snel Een hert om dees goddinne haer Te minnen naer Cupido straels bevel Iphemena Pero Leda Procris met haeren schichten Printhina Porcia Phedra Haer minlyck soet gesichte Heeft haer minnaers noeyt voorsaecht Tlyden swaer dwelck my draegen doet Ick claegen moet Sy die myn thert ontschaekt Princesselyck schoon maechdelyck saet Olimpisch maecht teere V dienaer trouw troostich beraet Volght [Appol Pithium] leere Eert Hymene gebruyckt u jeught Verkeert Venery stryden bang En Lyden strang Constant in reyn gheneucht fynus

Handschrift Ariaenke de Gyselaer
1600-1602
Rotterdam, Gemeentebibliotheek, 96 E 13
f14v