|
|
|
op de wijse: alst begint.
1. Verhuecht u maeckt Joelijt
Aldoer Des meyen tijt
Die des winters gewelt
verdrijft met al haer macht
Des waeters vloet suebijt
haegel en snee Dat slijt
Door de son heel versmelt
Den tijt die baert haer kracht
Die blomkens neenichderley
al op de Droege hey
bloeyen soemen aenschout
Die winter kout
hielt bedwongen Inde wey
maer tlof nu schoen bedout
2. het wout seer schoen omdaen
(me)t lof en kruit belaen
(tw)elck tsmenschen hert voerhuecht
stoet nu seer tryonfant
Den vyge boem haer blaen
Des meys dou heeft ontfaen
Dies met lust hem voor huecht
Int hof vol blomme plaesant
en u Daer in voor Jubyleert
pluckt dat u hart begeert
Den egelantier ontluickt
Den leely sijn kracht bruickt
En den dooren haech geeert
Met bloeysem twelck soet ruickt.
3. Daer hoert men Den nachtegael
met noch meenich vogel tael
versiert met pluimen schoen
Elck sijn naeyuer brenckt voert
Des tortelduif voorhael
Den leewerick geenerael
zinckt met vruechDen sijn t(oen)
met lof seer soet ackoo(rt)
Boeven Der snaeren geklanck
elck sinckt sijn scheppers danck
geen schoender dinck men vint
Elck dier sijn tijt bemint
Dan den menschen van sinnen kranck
Wert dickmaels oever rint
4. Lof godt den prinsen goet
hij is den wijn stock zoet
Doer hem komt alt sieraet
Dat nu voor doegen blickt
hij is die ons behoet
en al dat leeft hij voet
.............een getrouwe toeverlaet
.......... Dee(s)? mey niet af en gaet
Wilt hem doch eere bien
Want hem b(uige) alle knien
stiert pays voor een present
dat elck u (kr) acht kent
u woort hier laet geschien
Door Liefde Ist tfondaement. | |
|
|
Liedbundel van Antonis van Butevest
|
|
[1590 ca.] [na 1594]
|
| Leiden, Gemeente-archief, Gildenarchief no. 1474 |
| f140r |
|
| Afschrift Meertensinstituut (verm. door C.C. Vlam), naar bron, diplomatisch. |
|
