|
|
|
1. Oe roesie roet oe paerele Ient
mijn lief mijndoet daer Ick om lijde torment
Oe schoen goddinne Ick blijf geschent
want mijn lijden Is sonder ent.
nacht ende dach die Ick geklach voerwaer.
Om dat Ick moet scheide van u lief eerbaer.
2. Moet Ick nu scheiden Ist nu den tijt
sonder voerbeyden ofte respijt
mijn hert van droefheit, Int lichaem split
mijn oegen Ick aen sticken krijt
Ick sal getrou oe schoen kersou u sin
al valt het scheiden alsoe groete pijn.
3. Oe wreede dach ongeluckiger uer
Die Ick oiet sach, die valt mijn alsoe suer.
Duenck mijn te weesen tegen den natuer
Dat Ick nu oe maechieken puer
moet sechgen haedieu want op een nieu van rou
Oe bittere Doet waer nae soe beit gij nu.
4. Prinsesse schoene diet wel voorsint
Gij spandt de krone diet wel voersint
Want Ick en ben niet gelick de wint
Gij staet altoes In mijn hert geprent
Ick sal getrou oe schoen kersou u zijn
al valt mijn heit scheiden alsoe groete pijn. | |
|
|
Liedbundel van Antonis van Butevest
|
|
[1590 ca.] [na 1594]
|
| Leiden, Gemeente-archief, Gildenarchief no. 1474 |
| f98r |
|
| Afschrift Meertensinstituut (verm. door C.C. Vlam), naar bron, diplomatisch. |
|
