Nederlandse Liederenbank


Op de wyse [belghica] looft den heer g 1600 Schoon lieff eerlyck befaempt Ick soeck u te beweeghen tot liefde ongeblaempt maer ghy staet my heel teghen waer door lyden fel nu compt bestryden snel ick truer voerwaer om u reyn jeught eerbaer Doorsaeck wort wel versint warom ghy soo [on]spoedich my soo wel niet bemint als ick u doe seer goedich waer ick van bloede eel daer toe van goede wel soo soudick fyn uwen minnaer wel syn Want men vraecht nu niet meer naer parsoon off gheslachte noch naer deucht ende eer maer naer ryckdom en machte is een maer ryck van hoff dochter off jonckman groff liefde haest wast maer het deynde draecht den last Die op tsweerelts goet boudt die vindt hem dick bedroeghen soomen daghelycks aenschoudt en sien mach onghelooghen want als liefde is cranck eens crycht eenen misganck doort tghelt off schadt is te beclaghen dat Myn alderlieffste soet bouen ymant ghepreesen toch naer myn lesse doet laet liefde syn ghereesen myn hart in jonste bloyt maeckt dat u gonste groyt tot my met vlyt ick blyff ghetrouw altyt Adieu princesse schoon adieu moet ick u laten loont my met u parsoen t'scheyden can u niet baten adieu myn liefste spruyt dit in u hart sluyt t'scheyden ist dent adieu reyn blom bekent Door lieffden gheduerich ben ick altoos treurich

Album amicorum van Aefgen Claesdochter van Giblant
1598-1600
Den Haag KB: 135 K 36
f104r

Willem Kuiper, naar bron, diplomatisch.