Nederlandse Liederenbank


Een nieu jaer liedeken op de wyse Schoon lief ghy zyt prys wee[r]t alleyne Altyt / verslyt / ick lief ghepresen Met vreesen / gansch en gaer Die lyt / subyt / wylt dynstych wesen Genesen / myn ghevaer Maeckt dat ick wert ghewaer V hulp tot my ghereesen Door praet / ghelaet / schoon wtghelesen Met raet / bystaet / in desen nieuwen jaer Compt gheeft / beleeft / schoone jonckvrauwe Gheen flauwe / v dienaer My gheeft / beleeft / blyschap voor rauwe Door trauwe / vruecht eerbaer Maeckt v en my een paer Zoo zal myn druck cesseeren Toch spoet / zeer soet / al v begeeren My doet / ontmoet / in desen nieuwen jaer Voor dyn aenschyn wyl ick myn leuen Nu gheuen zonder vaer Troost myn zeer fyn och lyef verheeuen Nyet sneuen laet voor waer Doet slyten tlyden swaer Dat my nu quelt ghestadych Dus vrau myn rau verdryft ghenadych Dye j[a]u dient trau in desen nieu jaer Gheulyt zeer blyt prynses verheeuen Dycht neuen v dienaer Dyt spydt benydt laet zyn verdreuen Het sneuen en mysbaer Twelck my quelt voor als naer Wylt toch myn pyn versaechten En ick my lyef by v mach vernachten Heel vry en bly in desen nyeuwe jaer finis

Album amicorum van Aefgen Claesdochter van Giblant
1598-1600
Den Haag KB: 135 K 36
f54v

Willem Kuiper, naar bron, diplomatisch.