Nederlandse Liederenbank


Op de wyse v liefde quelt my totten doot Schoon edel greyn myn lieff alleyn ghy staet in thert vercoren dus ick v bemin van herten reyn sult ghy myn leed verhoren op dat ick mach vreucht orboren Want gheen lieuer ick ter werelt en vant noch met oghen mach aenschouwen en ghy syt schoon lief my een costelyck pant op v is dat ick bouwe en dus wilt my syn getrouwe V lipkens root v handekens blanck v oochkens die v vercieren v keeltghen gelyck een orghel clanck gaet beter als een liere also schoon syn v manieren V vriendelyck wesen en lachende mont daer [t]oe v soete taele v armkens blanck v borstkens ront verciert het altemaele en verheucht my sonder faelen Ick en weet ter werelt amoreuser niet die by v mach gelycken het welck geschiet aenmerckt dit siet oock in al v practycken die v geensins en beswyken Orloff wel schone Princesse goet ick moet van v gaen scheyden t'welck sal geschieden al metter spoet en wilt toch den tyt verbeyden dat wy ons weer gaen vermeyden

Album amicorum van Aefgen Claesdochter van Giblant
1598-1600
Den Haag KB: 135 K 36
f51v

Willem Kuiper, naar bron, diplomatisch.