Nederlandse Liederenbank


[140v] de passione domini Nv sterck vns got in vnser noit Ich beuelen mich huden here in dyn gebot Lais vnss den dach genedelichen schynen Der namen drie de steen mij bij in allen noeden so wair ich sij dat cruytze cristi stee mir vur allen pynen Dat sweird dar her symeon affsprach dat marien durch yr reyne hertze stach do sij ansach dat cristus stont besweret [141r] Dat stee mir huden in mynre hant beschirme mich here vur heufftsunden band gar ungeschandwair sich myn lieff hynen keret Repeticio Maria wunschel gerte des stammes van yesse theophilum ernerte mit junfferlichen vlee strijd vrauw vor vnse schulde hilff vns in godes hulde o mater gracie Dat cruce was breit dar got an leid da men syn zarte lijff durch sneit der negell drie dat speir ind ouch de crone Der besem swanck der gallen dranck der doit al mit [of: uut] mynscheit ranck Do hie rieff in barmentlichen doyne [141v] Hely hely lamazabathani myn got we haistu mich gelaissen hij Dyns iamers schrei dar zo dyn mertelere De ste mir huden vur alle misuairt dat ich vur heufftsunden sij bewairt zo mir sij gekairt dyns heilgen geistes lere Repeticio Mit dynes geistes fuyre entfeng och here mich enmaiche mir neit dure dyn angesich gar wunnentlich hilff dat ich erwerue ee dan ich sterue dyn schone hymmelrich O heilger crist la mich der list geneisßen dat mir kundich ist dat ic dich leuendich erkenne in eyme brode Verliene mir ouch lieue here also dat ich dyns hymmels heil werde vro zo dir roiffen ich in vrolichen mode Och starker furst van hymmelrich vmd dyn dracht erbarme dich ouer mich van mir neit entwijch want dyn zorn ist myr swere Giff mynen sunden eyn ouervloit en laiss mich neit entghelden durch dyn oitmoit sijs mir guyt durch dynre lieuer moder ere [142r] Repeticio Myns leuens eyn guyt ende verlene ouch here mir Dat mich neit en schende der vyant ist so gijr Wesschaff all myne sunden mit dynen heilgen wunden dat ich beuallen dir Amen

[handschrift zonder titel]
2e helft 15e eeuw
Trier, Stadtbibliothek, 516/1595
f140v

Johan Oosterman