Nederlandse Liederenbank


O ihesus heere keert v tot my verlost my vander vreesen Die ic heb om te dien dy mijn zonden wilt ghenesen Jhesus andwort der zielen ofte mensche O Mensche wilt v niet ontsien die werlt wilt begheuen Van vreesen salic v doch vrien v zonden al vergheuen Die ziele O ihesus heere wat grooter mijn wordic van v ontwaren Dat ic op v setten min zijn ghij sult my wel bewaren De ziele [227r] noch des sondaechs Hier om so willic vromelic die weerelt laten liden Ende dienen hu in minen tijt ghi sult my wel verbliden Jhesus antwort Och lieue kint des zeker zijt dat ic v sal verbliden Ic sal v gheuen eewich rijc wilt nv een weynich striden Jhesus cristus V strijt zal zijn int wederstaen al deser weerelt lusten En of die vyant v cont raen daer op en wilt niet rusten Jhesus In uwen strijt so roept mi aen [227v] Den vyant en wilt niet zuchten Al latic v een wile begaen schier salic v verlichten Jhesus Nu wilt die werelt haest af staen Ende dient my sonder merren Ic sal v in mijn rijke ontfaen Bouen dat licht der sterren Jhesus Daer suldi grote vruegde plien plien Mijn suuerheit aenscouwen Wilt my nu minnen ende ontsien ten sal v niet berouwen Die ziele O ihesus heere dat ghi ghebiedt in my salict bereyden [228r] n wille die werelt achten niet van haer soe willic scheyden Die ziele begheft de werelt Adiu werelt adiu solae In tideliken hauen Die my mach gheuen eewich pais hem willic gaen behaghen Amen

[handschrift zonder titel]
1473
Den Haag KB: 75 H 42
f226v

Johan Oosterman, naar bron, diplomatisch