|
|
Dit lyedekijn gaet op die wijse: 'Ic clam dien boem al op, die my tehoghe was etcetera'.
1 Hij troer die troren wil: Mijn troeren is ghedaen! Ic heb ghesweghen stille Maria, wel verstaen. Ic heb ghe etcetera
2 Waerom soe wil ic troeren Of sorghen aldus seer? Ic weet, ic ben vercoren, Van Jhesum, Mynen Heer. Ic etcetera
3 Dat ic Hem bin vercoren, Heeft Hij ghedaen aenschijn, Want ic most bliven verloren Deedt Sijn doot ende Sijn pijn.
4 Hij is hier neder ghecomen Daer in ben ic verblijt; Misdaet soude my verdoemen Sijn doot heeft mij ghequit.
5 [xvi/31r] Des wil ic my verblijden Seer vromelijc in Hem, Ende draghen tot allen tijden Sijn doot in mijnen sijn.
6 Des bin bin ic wel ontwaren, Deedt Sijn doot ende Sijn pijn; Al baed ic dusentjaren Twaer al verloren goet. Al baed etcetera
7 Hier om wil ic Hem minnen, Die mij dus heeft verlost, Ende in mijn hertgen binnen Houden voer al mijn troest.
8 Lof, eer, sij Dij, Marie, Schoen edel suver Maghet! Ten was noch waerlijc nie Dat Ghij my liet versaecht!
(1) Hij troer | |
|
Handschrift Meerman
|
[1525 ca.]
|
Brussel KB: II 2631 |
f30v |
|
H. Joldersma, naar bron, kritisch. |
|