|
|
|
Dese vier navolghende lyedekens mach men sijnghen op dese wijsen: dieeerste wijse: 'Ic sach mijnheer van Valkesteyn'; die ander: 'Van die hartoch van Sassen';die dorde: 'Ic sie die morghen sterre'; die vierde wijs: 'Het viel op eenen morghen stont'; ende alleander lyedekijns diemen op vier regulen sijnghen mach.
1 Nu wel heen, ende dat moetsijn:
Vander werelt soe moet ic scheyden.
Jhesus is dat harte mijn,
Na Hem soe wilic beyden.
Jhesus is dat herte
2 Betaniën is soe gueden stat,
Van doechdenis sij rijke.
Jherusalem,dat daer boven staet,
Waer vint men sijns ghelijke?
Jherusalem, dat daer boven staet
3 Ic sach Mijn Heer van Hemelrijck
Op eenen ezel uutrijden;
Die cleideren worden hem onder ghespreit,
Daer toe die groene rijse.
Die cleideren
4 Doe Hij binnen Jherusalemquam
Hoe lude dat sij songhen:
'Osanna filio,
Vergif ons onse sonden!'
Osanna
5 Daer Hij anden cruce hinc
Mit Sinen roder wonden,
Dat bloet dat uut Sijn wonden liep,
Waschet of al onse sonden.
Dat bloet dat uut Sijn wonden liep
6 [xiv/29r] Die wonden waren alsoe diep,
Si waren al doerghesteken.
Jhesus leit int herte mijn,
Ic wil hem niet vaergheten.
Jhesus leit int herte
7 Wij willen onder dat cruce gaen staen,
Ende helpen Jhesum troeren;
Hij heeft soeveel gheleden om ons,
Het wort Hem veel te suere.
Hij heeft soe veel
8 O siel, ende dat moet ummeer sijn!
Het gaet nae onsen begheren:
Wil Jhesus onse helper sijn,
Soe en mach ons niemant deren.
Wil Jhesus onse help
9 Ic danck u, Heer van Hemelrijck,
Ende ic danck U met allen goeden;
Ghij hebt mij alsoe duer ghecoft,
Mit Uwen duerbaer bloeden.
Ghi
(1) Nu wel heen | |
|
|
Handschrift Meerman
|
|
[1525 ca.]
|
| Brussel KB: II 2631 |
| f29r |
|
| H. Joldersma, naar bron, kritisch. |
|
