|
Een nieu liedeken.
EEn aerdich vrouken heuet mi bedroghen
Daer ick was op verghect
Haer smeekende woorden zijn al ghelogen
Dat vinde ick nv perfect
Si is mi te doortrect
Te dubbel ooc van gronde
Dus keer ick mi van haer
Si payter so vele met haren valschen monde.
Ic en achtse niet een haer
Ghesellekens wilt v sinnekens keeren
Van sulc een schoon samblant.
Want si souden v plucken ende minnen leren.
Ja hebdijt wel in die hant
daer af heb ic tvuerstant
Gaet vlaender gheheel int ronde
Gheen wijf so wanckelbaer
Si paeyter so vele met haren valschen. etcetera.
Nv laet ic een ander zijn goet verquisten
Van sinnen ionck ende mal
Want met hare subtijle listen
Si v wel plucken sal.
Ende vallen eenen val
dat is daghelicx beuonden
Met v hier ende daer
Si paeiter so vele met haren valschen monde
Wat heb ic met v altijts versleten
Ic en spaerde gelt noch goet
Nv ben vanden back ghebeten
Ic en weet niet wiet mi doet
des ic mi bedwingen moet
Het aen horen van haer faconde
dat segghe ic v voorwaer
Si paeiter so vele met haren valschen monde.
Joncfrou ghi laet nv voor v knielen
Ghi zijt daer voor bekent.
In een osbaer met drie wielen
Suldy nemen v endt
Ick triumphere gent
Als ghi tot allen stonden
Sult sitten int liden swaer
Si paeiter so vele met haren valschen monde.
Adieu ghi waert eens mijn princesse
Met uwen soeten rel
Adieu ghi paeyter viue oft sesse
Toeft Hanneken ende Wuyten wel
Adieu mijn dubbel vel
doen ic met met haer triumpheerde
En vraechde ic niewers na | |
|
|
Een schoon Liedekens. Boeck inden welcken ghy in vinden sult. Veelderhande liedekens. Oude ende nyeuwe Om droefheyt ende melancholie te verdrijuen. Item hier sijn noch toe ghedaen Meer dan Veertichderhande nyeuwe/ liedekens die in gheen ander liedekens boecken en staen. Hier achter aen vervolghende [Antwerps liedboek]
|
|
1544
|
| Wolfenbüttel Herzog August Bibliothek: A: 236.5 Poet |
| f24v |
|
| DBNL/werkgroep Joldersma, naar bron, diplomatisch. |
