|
Een amoreus liedeken.
DAt ick om een schoon beelde soet
dus langhe moet vertrueren
daer noeyt en was dan liefde goet
Noch en heeft geweest mijns leuens dueren
door nijders cueren is mi ghesciet
Voor een cleyn vruecht so menich verdriet
Haer aenschijn claer gheeft mi confoort
Als ic aensie die schoonste figure
daer is een ander veel badt ghelooft
Si sluyt mi buyten der dueren
Si gheeft mi cuere als si mi siet
Voor een cleyn vruecht so menich verdriet
O Venus v claghe ick mijnen noot
dat ic mijn soete liefken moet deruen
Een cusken aen haer mondeken root
een troostelijc woort laet mi verweruen.
dat ick moet steruen mijnen druck aensiet
Voor een cleyn vruecht so menich verdriet
Nv rade ick elcken amoreus
dat hi zijn lieueken nyet en vergramme.
Haer wesen is so coragius
Spreect een woort doecht schoon lief wat di misquame.
Wacht v van blame quade nijders tongen vliet
Voor een cleyn vruecht so menich verdriet | |
|
|
Een schoon Liedekens. Boeck inden welcken ghy in vinden sult. Veelderhande liedekens. Oude ende nyeuwe Om droefheyt ende melancholie te verdrijuen. Item hier sijn noch toe ghedaen Meer dan Veertichderhande nyeuwe/ liedekens die in gheen ander liedekens boecken en staen. Hier achter aen vervolghende [Antwerps liedboek]
|
|
1544
|
| Wolfenbüttel Herzog August Bibliothek: A: 236.5 Poet |
| f10v |
|
| DBNL/werkgroep Joldersma, naar bron, diplomatisch. |
