|
|
|
Een meijsken eens voerbij passeerde,
Aenhoerde eenen soeten rel.
Hoe dat een meijsken diviseerde
Teghen een haere nichte soe wel.
"Commeeret wel naer uwen rel,
Deen commeere kent dander wel.
Commeere, commeere, commeeret wel, (bis)
Commeeret wel met moede fel,
Deene commeere kent dander wel,
Commeeret wel met moede fel,
Deene commeere kent dander wel".
Men soude niet moghen een bauken draghen,
Gemaect al naer den niewen sne,
Men soudet dese commeere moeten vraghen,
Oft si moeijen haer altijts me.
"Speelt uwen rel, commeret wel,
Commere, compere, voucht dat niet wel?
Deene commere kent dander wel. (bis)
Wij sullen draghen,, niemant vraghen
Triumferen achter stee.
Want tvoucht ons wel, want tvoucht ons wel.
Commeere, compere, voucht dat niet wel.
Naer uwen rel, commeret wel.
Deene commere kent dander wel.
Commeeret wel naer uwen rel,
Deene commeere kent dander wel." ) bis | |
|
|
Het tweetste musyck boexken VIER PARTYEN DAER INNE Begrepen zyu [!] xxviiij niewe amoreuse liedekens in onser neder duytscher talen, Gecomponeert by diversche componisten, zeer lustich om singen en spelen op alle musicale Instrumenten [...] SVPERIVS [CONTRATENOR; TENOR; BASSUS]
|
|
1551
|
| Kraków Bibliotheka Jagielónska (in facsimile) |
| f13r |
|
| Transcriptie afkomstig uit het corpus (databank) Het Nederlandse Meerstemmige Lied van J.W. Bonda |
|
