|
|
|
Hoe lustelick is ons die cole mey ontdaen
het spruten uut die blomen mennigerley
soe wie mit druck mit liden is bevaen
in jhesus wonden mach hi hem gaen vermeyen
Nu [?] synt des meye telgen uutgespreit
ende bloyen schoen gelyc den rode rosen
soe wie syn sunden hier bescreit
onder desen boem sal hi hem gaen vercoelen
Die edel nachtegael des cruces boem opvloch
ende hevet syn vederen alsoe wide opgelaken
hi sanck soe lude die soeven noten hoege
soe dat syn suete harte is gebraken
Soe wie dat in desen onstadigen dale
syn liefte set in creatueren
die merke an desen nachtegael
hoe hi den doet om onse wille wolde lijden
Hy henck [?] gespreit mit syne arme tot
om vrintlick omme te bevangen
die edel ziele syn alre liefte bruut
och lacy en wolde sie hem met [niet?] ontgangen | |
|
|
[handschrift zonder titel]
|
|
2e helft 15e eeuw
|
| Berlijn, Staatsbibliothek Preussischer Kulturbesitz, ms. germ. 8o 62 |
| f6v |
|
| Naar bron, MJdB, juli 2000. Volgens liederenbanktranscriptieregels; niet gecontroleerd. |
|
