|
|
|
Op de wijse : laet ons allegaer Danckber sijn
1. Om nu te moegen ueten
Dat Ick heb aen geeheeuen
Dat ons Die wingaert spruiten
seer mindelick aen kleeuen
Daer wij vroelick bij leeuen
verhuecht ons sinnen wel
Ick salt u liefie geeuen
tot voldoeninge van het spel
2. Als gijt lief hebt ontfangen
volcht mijn als Ick doe voeren
voldoet ons met een sange
laet u klincker eens hooren
om vruechde te oorboeren
alle trueren nu voersmaet
hebt gij wat liefs voerkoeren
hem nimmer meer voerlaet
3. Tgelt u mijn naeste gebuere
hier In deese kontreije
tgaet seer soetelick Inne
tsmaeckt als suikereije
Als Ick dit natie spreije
tfeerhuecht al mijnen moet
sinckt oeck een liedeken fraeije
als uwen schencker doet
4. Prinse het Is u geschonken
en u Jonstijge heeren
tijs schoentges uitgedroncken
Doet soe mee tis mijn begeeren
wilt Dit ten besten keeren
het komt uit tsersen gront
lief Dit is tot Uwer eeren
Dat sech Ick u goedt ront.
| |
|
|
Liedbundel van Antonis van Butevest
|
|
[1590 ca.] [na 1594]
|
| Leiden, Gemeente-archief, Gildenarchief no. 1474 |
| f22r |
|
| Afschrift Meertensinstituut (verm. door C.C. Vlam), naar bron, diplomatisch. |
|
