|
|
Op die wijse: daer 2 liefies doer minnen voerblijt
1. Daer twee liefies doer minne voergaeren seer voerblijt moet het hoeft hem wel voersinne Dat hij gedachtich sijt om te houde in eer de leeden teer sijn huisfrou seer bequam al wat hij gaet beginne altoes doer haeren naem
2. Swack soe sin de leede alst hoeft de sinne maeckt kranck Doer drincken of onvreede of doer eenich bedwanck Doet gij wel doet geen gequel u eijgen selfs lijf het Is natuerlick reede wel voer godt bekent u wijf
3. Als een winstock vruchtbaere soe brenckt sij vruchte voert In lijdens doets beswaere groet Jammer men aen haer hoert Doch inde nacht nae u vrucht tracht groet Jammer men aen haer siet weest een van haer dienaeren van als dat haer geschiet
4. Prinse de hulp der vrouwe Die u bijstaet in noet Wilt haer in eere houwe met u vrucht klein en groet vruech en laet u toch voerstaet u liefste liefie rein als gijse gaet aenschouwe het is u een suiuer grein.
| |
|
Liedbundel van Antonis van Butevest
|
[1590 ca.] [na 1594]
|
Leiden, Gemeente-archief, Gildenarchief no. 1474 |
f20r |
|
Afschrift Meertensinstituut (verm. door C.C. Vlam), naar bron, diplomatisch. |
|