|
|
|
op de wijzes Liefde Ist Fondaement
1.
Den soete mey brenckt sijnen tijt
alsoe men siet voer oegen
Die blomkens staen soet met vruechden Joelijt
haer selleven gaen sij voertoegen
met den oeranie leely hier
Ende schoene witte angier
staen suiver Int betoenen
al onders scheemels troene.
2.
Aemoeruesse geeste die hier sin voergaert
Wilt dit ten beste neemen
Als elck met sijn liefken Is gepaert
godt laet hem niet voervreemde
Gelijck alst aeker boemie soet
en den koerenaer diet al voet
alle menschen en persoene
al onder scheemels troene.
3.
Benieders der konst alhier
Wilt Den sin konsijdeereeren
Bemint u lief op duecht en eer
en nae den wil des heeren
gelijck het goudt blommeken doet
en het fyoeletie metter spoet
soe wilt gij spanne de kroene
al onder des scheemels troene
4.
Prinse neemt het toch in danck
mijn sempel gedichte
Die voegelkens met haeren sanck
Die alle menschen voerlichten
Geelijck doet die pellykaen
enden Wingaert ranck welgedean
Staet net en schoene
Al onders scheemels troene. | |
|
|
Liedbundel van Antonis van Butevest
|
|
[1590 ca.] [na 1594]
|
| Leiden, Gemeente-archief, Gildenarchief no. 1474 |
| f19r |
|
| Afschrift Meertensinstituut (verm. door C.C. Vlam), naar bron, diplomatisch. |
|
