|
|
|
Een ander Liedeken
Jc drage dat lyden verborgen
besloten in mijnen gront
van tsauonts totter morgen
worde ic daer af gewont
daer comt so menich versuchten
[p]
al wter herten mijn
waer sal ic henen vluchten
ten mach niet anders syn.
Jc had eenen vrindt verkoren
en nv en vindt icx nitt
die vrintschap is verloren
ontro is mij geschiet
ic ben alleen in lyden
och lacij ic ben alleen
hoe mach ic mij verblyden
der trouwen en vinde ic geen.
O goede heere der heeren
wilt mij in staeden staen
waer sal ic henen keeren
ic ben met dr c bevaen
och wat sal ic beginnen
dat en weet ic waerlycx niet
al in mijn herte van binnen
zo lide ic zoe swaeren verdriet
Hier m heb ic mede doogen
met die in lijden syn
hebt altyt god voer oogen
der menschen tro is cleyn
och minne der creatueren
wat hebdij mij gedaen
om v soe moet ic trueren
en weenen soe menigen traen. | |
|
|
Liedboekje van Jenneken Verelst
|
|
1540-1550
|
| Leiden, UB, BPL 1289 |
| [f30r] |
|
| Transcriptie van Jos Houtsma. |
|
© 2024 KNAW/Meertens Instituut
