|
|
|
1 [xlii55r] Daer en is ghen rust in deser tijt:
Vaerdriet, dat doet my singhen.
Daer en is ghen rust in deser tijt:
Vaerdriet, dat doet my singhen.
Ic wasser ghestrict in mijnen ghedacht
In deser aertser minnen, Minnee;
Ic wasser ghe etcetera.
2 Help, rijc Heer God! myis soe wee,
Mijn hertge wil my breken,
Help, rijc Heer God! my is so wee,
Mijn hertge wil my breken,
Van rouwen, van troegicheit ontwee:
Ic en cans niet uutghespreken, Sprekee;
Van rou etcetera.
3 Ic moet van noe nu maken vroe,
In druck ende oeck in liden
Want ic wel weet, my is bereet,
Altoes so moet ic strijden, Strijdee;
Want ic wel weet etcetera.
Help, rijc Heer God etcetera.
4 Met druvergaer harten ende blijd aenschijn
Moet ic my dicwils vensen.
Och, is dat niet een grote pijn?
Maer alsmen wel mach penssen, peynsee,
Och, is dat
Help etcetera.
5 O reyne hart, ghi lijdt groot smart
Van binnen ende oeck van buten,
Soe menighe strijt in deser tijt
Moet ghi hier al besluten, Slutee.
Soe menighe strijt etcetera.
Help, rijc etcetera.
6 Ic legghe te velt nacht ende dach,
Mijn viant willee my deeren.
Sij scieten op my soe menighe slach,
Ic en canse niet verweren, Weree;
Si scieten op etcetera.
Help etcetera.
7 O, soete Heer, gheeft my een ofkeer
Van minne der creatueren,
Want si en is niet dan swaer verdriet,
Si en mach niet langhe dueren, Dueree;
Want sie en is etcetera.Help
(1) Daer en is ghen rust in deser tijt etcetera. | |
|
|
Handschrift Meerman
|
|
[1525 ca.]
|
| Brussel KB: II 2631 |
| f55r |
|
| H. Joldersma, naar bron, kritisch. |
|
