|
|
|
Dijt is verlanghen int gheestelijc, ende beghint aldaer, ende is eens hemels lyedekijn.
1 Voerlanghen, voerlanghen, du doeste mijnre jongher hartge pyne,
Al om tee weten, o Vader, die wille Dijn.
Mijn harte is vaervremt, vervremt soe veer van Dy!
Mijn rede daer consciencie die knaghen dijcwijl mij.
Ay laes, ay laes, ay lacij, Vader mijn!
De claerheit is bovengaende daer sonnen cristallijn.
2 Begheren, begheren, doet mij mij cracht verteren,
Al om al om te weten, Jhesus, die liefste mijn.
Sel ic sijn troest, sijn trooest niet schier vaerwerven,
Van rou soe moet, soe moet ic ummer sterven.
Ay laes, ay laes, ay lacij, mijn hert dat screit!
Och Vader, wilt mij vertroesten, verdrijft mijns herten leit.
3 Duchten ende vresen, dat doet mijn hert versaghen,
Och mocht, och mocht ic, o Vader, U behaghen,
Dat waer, dat waer die wille mijn!
Och Vader, wilt mi verlichten met uwen soeten aenschijn.
Ay laes, ay laes, ay lacij, Vader mijn!
cherubin ende seraphin ghebruken U soete aenschijn.
4 Och Vader, ontsteect, ontsteect dat herte mijn;
Ic begheer, O Vader, die wille Dijn.
Die natuer daer [iiii/22r] sinnen, die hinderen dicwijl my,
Die toekeer daer creatueren bevlecken die siele mijn.
Ay laes, ay laes, ay lacij, Vader mijn!
Een blic van Uwen beelde vaerclaert die siele mijn.
Ay laes, aylaes, ay lacij, Vader myn!Een blic
5 Die werelt, die werelt, wil ic ofgaen.
Och Vader, wilt my helpen,In U cracht wil my ombevaen.
Och Licht der lichten, wilt myn liden doerschinen,
O Heylighe Geest, O Mijn, ontsteeckt dat herte mijn!
Ay laes, ay laes, ay lacij, Vader mijn!
Mocht ic U altijt loven, dat waer die wille mijn.
Ay laes, aylaes, ay lacij, Vader mijn!
6 Die dit liedeken ineen, ineen heeft ghedicht,
Een maecht begheert te wesen, te wesen seer ghesticht;
Een maghet behoert te wesen, oetmoedich ende reyn,
Och Jhesus, wilt haer helpen, haer crachten sijn so cleyn!
Ay laes, ay laes, ay lacij, Vader mijn!
Een voentgen Uwer minnen ontstect dat herte mijn.
(1) Voerlanghen du doeste | |
|
|
Handschrift Meerman
|
|
[1525 ca.]
|
| Brussel KB: II 2631 |
| f21v |
|
| H. Joldersma, naar bron, kritisch. |
|
